Aire Negro

Cando o doutor Vítor Moldes comeza a traballar na clínica psiquiátrica Beira Verde, ten como primeira paciente a Laura Novo, unha muller coa memoria borrada, que ocupa as horas do día en escribir de xeito compulsivo o seu nome, aferrada a el coma se fose o único resto dalgún naufraxio emocional. Mediante unha terapia innovadora, o doutor consigue que a paciente abandoe a súa prisión interior e comece a lembrar o seu pasado. «Escríbao todo, reviva outra vez o que pasou. Escriba o que non é capaz de expresar con palabras en voz alta. Así irán collendo sentido as lembranzas que agora permanecen enmarañadas na súa memoria.» O doutor conseguirá que Laura rememore todo o que lle sucedeu nos meses anteriores, cando unha escura sombra parecía ameazar a súa vida. Ningún dos dous podía imaxinar que lle estaban abrindo a porta a unha realidade terrible, ao esqueceren que por baixo da tranquilizadora superficie da vida os terrores máis fondos agardan a ocasión propicia para destruírnos.

Abril, o mes do libro e da lectura

Chegou o mes de abril e con el promesas de augas mil (é que non tivemos abondo?), pero tamén de libros e plácidas lecturas nos días de vacacións que se aveciñan.

Na biblioteca queremos celebrar este mes tan especial organizando ou colaborando na realización de diferentes actividades:

1. Lembrade que temos un concurso de fotografía aberto (a data límite de envío é o 22 deste mes).

2. Contaremos coa visita sorpresa dun escritor.

3. O mércores 30 teremos entre nós a Jorge Mira, a quen escoitaremos falar de curiosidades científicas varias.

4. Haberá unha sorpresa para @s que vos animedes a pasar pola biblioteca o mércores 23.

Non faltedes!

E agora entre nós, sabedes por que o Día Internacional do Libro é o 23 de abril e non calquera outro?

Aquí tedes unha breve explicación:

O 23 de abril de 1616 enterraban en Madrid a Miguel de Cervantes Saavedera, sen dúbida, o máis importante escritor en lingua castelá de todos os tempos. Dez días máis tarde, o 23 de abril de 1616, choraban en Londres a morte do senlleiro dramaturgo William Shakespeare.

Uuu, como é iso? O 23 de abril e 10 días máis tarde, outra vez o 23 de abril? Pois ben, non nos equivocamos.

Ocorre que na Inglaterra do século XVII aínda se rexían polo calendario xuliano –o que Xulio César encargara ao astrónomo greco-exipcio Sosíxenes. Porén, ese calendario tiña un problema: cada ano duraba once minutos e catorce segundos máis que o ano astronómico real. Parece un desaxuste pequeno, pero conforme pasaba o tempo, a diferenza non paraba de medrar e o caos acadou tal magnitude que no século XVI o papa Gregorio XIII promoveu unha nova reforma do calendario que eliminase os días sobrantes, que daquela xa eran dez. Así se fixo e nos países católicos –España entre eles– a xente foise á cama na noite do xoves 4 de outubro de 1582 e ergueuse na mañá do venres 15 de outubro de 1582 (ese si que foi un cambio horario!). Non obstante, os países de confesión protestante ou ortodoxa seguiron rexéndose durante moito tempo polo vello calendario xuliano (Inglaterra, por exemplo, non adoptou o gregoriano ata 1752). Esa é a razón de que, aínda que entre a morte de Cervantes e de Shakespeare transcorreron 11 días, tomamos o mesmo día, o 23 de abril, para conmemorar a súa obra e celebrar o Día do Libro.

 Neste enlace tamén podedes ver un traballo sobre a historia do libro que expuxemos o curso pasado.

The murders in the rue Morgue

Se produce el  asesinato de dos mujeres, madre e hija, en un apartamento de una calle de París. Las primeras pesquisas que lleva a cabo la brigada de investigaciones no dan resultado para esclarec

er los hechos. Finalmente se hace cargo del asunto un detective aficionado, Dupin quien tras intensa y brillante investigación, ofrece una explicación extraordinaria.

Concurso de fotografía

Para celebrar o Día Internacional do Libro, a biblioteca do "IES Marco do Camballón" convoca: 

I Concurso de Fotografía, que este ano terá como tema os libros e a lectura.

Aquí  podedes consultar as bases.

Día Mundial da Poesía e día Internacional da Muller

Este ano, no que as efemérides se amorean sen darnos un respiro, as alumnas de Grego II uniron o espírito de dúas conmemoracións, o Día Internacional da Muller e o Día Mundial da Poesía, traducindo o poema de Safo de Lesbos Os irmáns. Trátase dun texto transmitido nun papiro do século III d. C. que acaba de ser descuberto e divulgado en Internet antes da súa edición oficial polo profesor da Universidade de Oxford Dick Obbink. Para nós, esta obra (de enorme importancia no ámbito filolóxico onde vén de provocar un tsunami) ten un valor simbólico indubidable en relación á pervivencia das linguas clásicas e ás novas formas de transmisión e recepción da literatura e do saber: a voz dunha muller do século VII a. C. que burla o paso do tempo agochada nun fragmento de papiro para emerxer no século XXI nun novo mundo e nun novo medio, a rede, que a fai accesible a todos.

Desde o IES "Marco do Camballón", unímonos coa nosa voz e na nosa lingua á pléiade de  afeccionados á poesía grega que estes días comparten as súas versións do poema en Internet.

Aquí tedes o texto grego coa nosa tradución ao galego e a continuación o vídeo que fixemos con estes e outros materiais.

El libro de Camila y Manuel

¿Por qué el asesinato es el peor crimen? ¿Por qué hay que respetar a los demás? ¿Cuándo se debe ayudar a otras personas? ¿¿Por qué se deben cumplir las promesas? ¿Qué significa ser responsable? ¿Por qué es malo robar? Estas y muchas otras cuestiones dan lugar a animadas y a veces acaloradas discusiones sobre las que Manuel, Camila y sus compañeros de clase dicen lo que piensan y sienten, inquietos por los sucesos que cuentan sus padres en casa, que ven en la televisión, en la calle e incluso en el patio de colegio.

Nesta sesión estivemos falamos de varios libros aqui deixamos unha mostra

cl marzo - Video Maker

PRÓXIMA REUNIÓN 23 DE ABRIL