CALÍGULA

Reflexión sobre os problemas e obsesións que nutriron a súa creación literaria e teórica, CALÍGULA  é unha das grandes pezas dramáticas de Albert Camus (1913-1960). Nela, os temas recorrentes do absurdo existencial, o alleamento metafísico, o sufrimento do home e a lóxica do poder reciben un despregamento dramático que discorre en paralelo ás novelas e ensaios dun autor cuxo talento e sensibilidade ética centráronse sempre nunha indagación sobre a complexidade, a ambigüidade e a riqueza da condición humana.

Morre un mito do Rock & Roll: Lou Reed

Morre un mito do Rock & Roll: Lou Reed (1942-2013)

O pasado domingo 27 deixábanos unha das figuras máis sobresaíntes da escena do R&R, o neoiorquino Lou Reed. Sen este gran artista sería imposible entender a evolución da música popular urbana do século pasado: o glam, o punk e o rock alternativo son tres dos estilos nos que centrou a súa creatividade musical e poética. 

Lou Reed foi xunto a David Bowie, Iggy Pop e Andy Warhol un dos iconos da cultura pop máis ambigua e de vangarda dos anos 70. Foi o fundador da lexendaria  banda The Velvet Underground (1965-1970), a cal, unha vez disolta, deu paso a unha creativa etapa en solitario.

Algunhas das súas cancións máis salientables son "Walk on the Wild Side", "Perfect day"", "Sweet Jane", "Heroin" ou "Rock and Roll".

Aquí podes ler no diario "El País" o artigo publicado co gallo da súa morte

Para saber máis sobre a súa vida e a súa música entra neste enlace de wikipedia

O Samaín no Camballón

Lecturas para este tempo:

HERENCIA DE BRUJA

Ano 1659, Inglaterra. A moza Mary Newbury é testemuña do ahorcamiento da súa avoa, acusada de bruxaría. Mary abandona o pobo onde vivía coa súa avoa, acompañada dunha misteriosa muller. A carruaxe no que van chega a unha pousada. A muller misteriosa dille que emprenderá unha viaxe a América, xa que alí non é libre, e a súa vida corre perigo. Tras unha longa conversación con ela, Mary dáse conta de que a muller é a súa nai.

NATA Y CHOCOLATE

Sonia é unha nena calada, triste e solitaria. A razón é que os seus compañeiros se meten con ela por ser albina; Lola mesmo lle obriga a facerlle os deberes. Ninguén parece darse conta desta situación ata que unha nova profesora chega ao centro e decide cambiar a situación que vive Sonia.

BOA LECTURA!!

REUNIÓN CLUB DE ADULTOS

Na xornada de hoxe constituíuse o Club de Lectura Cambaleón do curso 2013-14. Debido o gran número de participantes tivemos que reunirnos na aula Manuel Dobarro.

MÁMOAS DE OIRÓS. LENDAS POSSÍVEIS

ler noticia









ler noticia

MORE STRANGE TALES

Williams a banker dreamed that a man called Spencer was dying murdered by Bellingham in the foyer of the parliament of England.

This it dreamed two times in the same night, and he was very worried. The following day when one came to the parliament it saw as a high man with black coat with golden buttons itwas murdering Spencer, some days later Bellingham was called to declare and said that he killed Spencer because I ignore the letters that he sent when his business in Russia was going badly. The judgment of the judge was that he was dying hung.

MÁMOAS DE OIROS. LENDAS POSSÍVEIS.

Hoxe vai ter lugar na aula Manuel Dobarro a presentación do libro de Ramón Taboada Montoto "Mámoas de Oirós. Lendas possíveis", promovido polo Club da lingua do Marco do Camballón.

Reunión Club Lectura Adultos

As suxestións da reunión de hoxe foron:

PRÓXIMA REUNIÓN 13/11/2013

Boa lectura a tod@s!

PREMIOS DE FÍSICA

Nobel de física 2013

Entre os galardóns entregados este ano pola Real Academia de Ciencias Sueca, imos destacar o Premio Nobel de Física, outorgado a Robert Higgs e François Englert.

Estes dous científicos, británico e belga de 84 e 81 anos respectivamente, levan á  procura dunha  demostración válida da existencia do Bosón de Higgs desde 1964. E como acostuma suceder na investigación, quen a segue, conséguea!!

Neste vídeo tedes una breve explicación de que raios é  o “Bosón de Higgs” ou “partícula de Deus”

por que as “cousas” teñen masa?

Por certo, o da “partícula de Deus” debémosllo a un editor simpático que cambiou “The Goddamn particle” (a maldita partícula) por “The God particle”.

II CONCURSO DE RELATO EUREKA

Eureka!

II CONCURSO de Relato breve

CONCIÉNCIATE E PARTICIPA!

Consulta as bases na biblioteca ou no blog Abre os ollos

A BIBLIOTECA do IES “Marco do Camballón”

CONVOCA

EUREKA!

II CONCURSO de  RELATOS

Participantes: poderá tomar parte no concurso todo o alumnado matriculado no centro no curso académico 2013‐2014.

Presentación: Cada participante poderá presentar, se así o desexa, ata dous relatos escritos en lingua galega. Nun sobre, introduciranse o relato, asinado cun pseudónimo, e un folio no que constarán os seguintes datos:

Pseudónimo

Nome e apelidos

Curso e grupo

Extensión: as obras presentadas non excederán as cinco páxinas a ordenador (arredor de 1200 palabras).

Tema: os relatos deberán incluír algún aspecto científico, sexa como asunto principal ou ben como elemento secundario pero con incidencia na historia desenvolvida.

Poderase aludir a calquera especialidade científica (física, química, bioloxía, medicina, matemáticas, astronomía etc.).

Os/-as autores/-as terán plena liberdade para enfocar os seus relatos desde un punto de vista realista ou fantástico e para situalos en calquera marco temporal (pasado, presente ou futuro) e espacial.

Prazo: os relatos entregaranse na Biblioteca ata o venres 6 de decembro de 2013.

O resultado do concurso será publicado na Biblioteca o mércores 18 de decembro.

Premios: establécense dúas categorías:

Categoría A: 1º, 2º, 3º e 4º de ESO

Categoría B: 1º e 2º de Bacharelato e Ciclo.

En cada categoría haberá un primeiro premio, dotado con 50 € e un segundo premio, dotado con 25 €. Ademais, os relatos gañadores serán publicados no blog Abre os ollos.

Ø  Os premios poderán ser declarados desertos no caso de non acadaren os relatos presentados un mínimo de calidade.

Ø  Se se constatase que un relato constitúe copia doutro, non será tido en conta.

Ánimo a todos e todas!

PREMIO NOBEL DE LITERATURA

NOBEL DE LITERATURA 2013

é para…

ALICE MUNRO

Coa escritora canadiense, nacida en 1931, son xa trece as mulleres galardoadas con este premio, sen dúbida o de maior prestixio no eido das letras universais.

Da súa obra, podemos ler en castelán case unha ducia de títulos:

Las lunas de Júpiter; El progreso del amor; Amistad de juventud; Secretos a voces; El amor de una mujer generosa; Odio, amistad, noviazgo, amor, matrimonio; Escapada; La vista desde Castle Rock; Demasiada felicidad; La vida de las mujeres e Mi vida querida.

Na seguinte ligazón podes ler o seu relato "Radicales libres":

http://ep00.epimg.net/descargables/2012/10/11/a02000fd633fbbec5518db92e61e4bfc.pdf

Parabéns, Alice.

PREMIO NACIONAL DE POESÍA

Parabéns

Ao poeta galego

Manuel Álvarez Torneiro

que acaba de recibir o Premio Nacional de Poesía

pola súa obra Os ángulos da brasa.

Se queres coñecer a súa produción poética, busca as seguintes signaturas na nosa biblioteca:

P/ÁLV/hab

P/ÁLV/voc

P/ÁLV/luz

P/ÁLV/par 

CLUB LECTURA ADULTO

O vindeiro  16 de outubro teremos a primeira reunión do Club de Adulto na Biblio do centro alí nos esperamos a todos e todas.